Home
દેશ-વિદેશ
ભારત -પાકિસ્તાન વચ્ચે ફરી યુદ્ધના ભણકારા? બંને દેશે બે દિવસ NOTAM જાહેર કર્યું, દરિયામાં શક્તિ પ્રદર્શન

ભારત -પાકિસ્તાન વચ્ચે ફરી યુદ્ધના ભણકારા? બંને દેશે બે દિવસ NOTAM જાહેર કર્યું, દરિયામાં શક્તિ પ્રદર્શન

08:57 PM August 10, 2025 Gujju News Channel

ભારતીય નૌકાદળ અરબી સમુદ્રમાં મોટો યુદ્ધાભ્યાસ કરવા જઇ રહી છે. ત્યારે આ બાબતે પાકિસ્તાની નૌકાદળે નોટમ જાહેર કર્યું છે.

Indian Navy Practice in Arabian Sea : રક્ષા સૂત્રો દ્વારા મળતી માહિતી અનુસાર ભારતીય નૌકાદળ અરબી સમુદ્રમાં એક મોટો યુદ્ધાભ્યાસ કરવા જઈ રહી છે. આ યુદ્ધાભ્યાસ ૧૧ અને ૧૨ ઓગસ્ટના રોજ થવાની શક્યતા છે. રસપ્રદ વાત એ છે કે પાકિસ્તાની નૌકાદળે પણ આ જ સમયગાળા દરમિયાન પોતાના જળસીમામાં અભ્યાસ માટે વિમાન દળોને નોટિસ જારી કરી છે.

► ઓપરેશન સિંદૂર બાદ પહેલો મોટો યુદ્ધાભ્યાસ

ભારતીય નૌકાદળનો આ યુદ્ધાઅભ્યાસ તાજેતરમાં થયેલા ઓપરેશન સિંદૂર બાદનો પહેલો મોટો શક્તિ પ્રદર્શન હશે. ૭ મેના રોજ પહેલગામમાં થયેલા આતંકી હુમલાના જવાબમાં ભારતે ઓપરેશન સિંદૂર ચલાવ્યું હતું. આ ઓપરેશનમાં ભારતે પાકિસ્તાનમાં ૯ આતંકવાદી ઠેકાણાઓ પર હુમલો કર્યો હતો. જેમાં અનેક આતંકીઓ માર્યા ગયા હતા.

► નૌકાદળની પ્રેક્ટિસ પાકિસ્તાન માટે મજબુત સંદેશ

પાકિસ્તાને આનો વળતો જવાબ આપવાનો પ્રયાસ કર્યો હતો. પરંતુ ભારતે તેમના તમામ હુમલાઓને નિષ્ફળ બનાવીને અનેક પાકિસ્તાની એરબેઝને નષ્ટ કર્યા હતા. ત્યારે ભારતીય નૌકાદળની આ પ્રેક્ટિસને પાકિસ્તાન માટે એક મજબૂત સંદેશ તરીકે પણ જોવામાં આવી રહી છે.